حواديت ابلة فضيلة
حبيبي الحلوين كان يا مكان كان في ولد وكان بيحب الريشه وبيحب الالوان رسم كلب و رسم قطه والولد من بعد ما رسمهم قال بكره الصبح يشوفهم مدرس الرسم في المدرسه يمكن يفرح بيا والولد ساب الكلب والقطه على ورق كراسه الرسم وراح علشان خاطر يتعشى القطه في كراسه الرسم بصت للكلب والكلب في كراسه الرسم بص للقطه.
الكلب مش بيحب القطه والقطه مش بتحب الكلب والاثنين في كراسه الرسم بيتخانقوا بعد شويه الكلب حس هو جعان والقطه هي كمان حست ان هي جعانه الكلب قال ايه ده هو الولد رسمنا من غير ما يرسم لنا حاجه ناكلهاما كانش قادر الولد يرسم لنا حتى عضمايه.والكلب القطه الاثنين بيبصواالولد راح فين اه الولد راح يتعشى مسبش الاكل لينا و بيفكر في نفسه مش بيفكر فينا .
الكلب والقطه قالوا نستنى
مش ممكن الولد يسيبنا مناكلش اكيد الولد بعد ما ياكل هيجيب الريشه ويجلنا يرسملنا اكل على اي حال نستنى.لكن والله عند الولد ما جاش بس عليه ايه ده ده الولد داخل ينام الكلب قال ازاي كده ده الولد نام من غير ما يقول لبابا وماما تصبحي على خير ردت قالت هو ده بس اللي زعلك ده ما جاش ولا رسم لنا اي اكل ده ما فكرش فينا وما سألش علينا لكن لا الولد عمل ايه! شيل الغطا من عليه وقام كلب قال للقطه حرام علينا شوف الولد اهو جاي اهو واحنا اللي فاكرينه مش بيفكر فينا الولد حط الريشه في الالوان يا ترى هيرسم ايه؟ يا خبر يا خبر.. رسم في الكراسه حاجه كبيره نازله منها المطر
الكلب صرخ و قال انا قلت ان الولد ده مش بيفكر فينا رسم المطره نازله علىنا من غير ما يرسم لي شمسيه. والقطه قالت للكلب الحقني الحقني الولد سابنا وقام والمطره هتغرقني.الاثنين قالوا نسيب كراسه الرسم لحد ما المطره ما تخلص نطت القطه من الكراسه في الكلب نط وراها وجري على السجاده ما فضلش في صفحه الرسم الا المطر نازل
الكلب والقطه دخلوا تحت السجاده
يدفوا وناموا.النهار صبح والولد راح المدرسه قال لمدرس الرسم هتشوف الرسم اللي رسمته وتفرح بيهم رسمت كلب ورسمت قطه.فتح المدرس كراسه الرسم ما شفش لا كلب ولا قطه زعل المدرس من الولد والولد يستغرب ايه ده اللي حصل ولما رجع البيت مشي على السجاده سمع اللي بيقول مين ده اللي بيدوس على ديلي الولد شال السجاده شاف الكلب وشاف القطهقال ازاي تسيبو كراسه الرسم حرام عليكم كده.الكلب والقطه قالوا له
حرام علينا ولا حرام على اللي بيفكر في نفسه ولا بيفكرش فينا وعرف الولد غلطته وعايش في دنيته زي ما بيفكر في نفسه بيفكر في غيره.
توته توته فرغت الحدوته..
